Bago Matapos Ang Buwan ng Panitikan 2026 ...

 ... isang pahabol na maiksing tula:

Sa iyo'y labas-masok ang aking dila,

Habang mga pisngi'y ipit ng iyong mga hita.

Mala-James Bond

 

Tularan siya para may paglalagyan sila,

Anuman ang mga hamo’t balakid sa pakikibaka!

 

Pinapapatay siya sa mga ekspertong hitman.

Pinapatay nila ang kanyang mga kaibigan.

Pinapatay nila ang kanyang mga bebot.

Pero di siya natitinag sa kanyang misyon.

Ni lungkot o luha ay bakas sa mukha

Ni Bond, James Bond.

 

Tuloy ang kanyang laban para sagipin ang mundo!

(O ang Inglatera lamang?)

Espiya pero ilang beses nang nakipagbarilan!

Ganunma’y di pa rin nila bistado

Ang tunay niyang katauhan

Bilang lihim na ahente

Ng kanyang imperyalistang pamahalaan.

 

“Para sa ikauunlad ng bayan, si James Bond ay gayahin!”

Sigaw ni Jaime Bandong na magtataho sa amin.

Siklo

Ngayo’y sumasabog, nag-uumapaw,

Ang aking puso’t diwa sa kaligayahan.

Kaya bumubuwelo na rin ako sa bwelta,

Sa hagupit, ng paparating na kalungkutan.

 

 "Primordial," watercolor, 1993, by ... me!

Tayo (ika-2 ng Hunyo, 2025)

 

tayo

 

magkayakap,

sa himpapawid

lumipad, sumirit

 

bulalakaw,

sa kalawakan,

bumulusok.

 

nagbanggaan!

 

pero ito ang nawasak,

at di tayo.

 

ni di tayo nagalusan.

 

at ito pa ang napaso,

di tayo.

 

(paano pang papasuin

ang dalawang

sa simula’t sapul

nagliliyab?)

Payo

(Oil on canvas, pininta ko noong 1991, nakalimutan ko na ang pamagat.)

 Huwag simulan

Ang sa kinalaunan

Ay mahirap nang atrasan.

"Ang Inyong Lingkod," Dating Abogagong Larry Gadon

Sa pagkakatalaga kay Larry Gadon

Bilang Presidential Adviser for Poverty Alleviation,

Ay mahirap ka na nga,

Eh ginawa ka pang tanga!

(Itong imahe ay mula sa INQUIRER.net FB page, 3/22/2023.)

r

  ·

 

Philippine Senate: Mataas na Babuyan

 

Dahil sa iyong boto,

Nagmistulang kural.

Dahil ika’y nagpaloko,

Nakaupo ang mga hangal.

(Baboy si Bad Boy!)

Depensib

 

And daming esteburetse

sa iyong paliwanag,

parang Meralco advisory

na sa YouTube ihinahayag

ang mga nakakalitong detalye

ukol sa bagong singil na dinagdag.

Napadaan Lang, Malamang

 (Nakalimutan ko na ang pamagat, watercolor sa illustration board, pininta ko noong estudyante ako ng College of Fine Arts - UP Diliman noong 1993.)

Ilang taon na ang lumipas at nangahas bumalik,

nagbabakasakaling may babalikan pang halik.

Nangangambang bumalik upang malaman

kung may babalikan pang dahilan.

Delatang Sardinas ng Laging Saklolo

O Delatang Sardinas ng Laging Saklolo,

Nawa’y busugin ang tiyang kumukulo,

Kapag ang ulam sa hapag ay ayaw ko,

Dahil nag-iinarte na naman ako.

 

One-Minute Hirit 13: Ang Pinoy Labor Migration sa Middle East na Sinimulan Noong Martial Law

Mula sa description box ng video:

Hustisya Para Kay Jullebee Ranara! “Tinitiis ang lungkot ng pagkawalay sa mga mahal sa buhay, basta lang makapagtrabaho at may maipadalang nakakabuhay. Yung nga lang, may mga ilan na umuuwi nang wala nang buhay pagkatapos pahirapan nang lubos tulad ni Jullebee Ranara” na isang nanay.

 

Mga Kawawang Tao ni Pablo Neruda (w/ video)

Ito po ang aking pagsalin sa Filipino ng tulang Poor Fellows ni Pablo Neruda (na syempre ay orihinal na sinulat sa Espanyol). Andito rin po ang aking pagbasa, sa video.

*  *  *

Ito pong teksto, maaari ko pang ituring na "work in progress," at pwede pang pagusapan. Pero ang video, yun na yun. Pwede na lang akong mag-upload ng bago.

Salamat!